Τετάρτη 8 Ιανουαρίου 2014

Η τέχνη του ιππεύειν


Ο Αχιλλέας παραδίδει το βραβείο σοφίας στον Νέστορα by Michael Drolling, 1819.
Η τέχνη του ιππεύειν

Οδηγίες του Νέστορα στον γιο του τον Αντίλοχο
κατά την διάρκεια των ιππικών αγώνων προς τιμή του Πατρόκλου.

Πως να είσαι σωστός ηνιόχος.

Αντίλοχε αν και είσαι νέος
Ζευς και Ποσεδών σε αγάπησαν
και σε δίδαξαν την τέχνη του ιππεύειν……

Η τέχνη και όχι η δύναμη κάνουν τον ξυλοκόπο

μες στο κρασάτο πέλαγος με τέχνη
ο καπετάνιος καθώς ανεμοδέρνεται το πλοίο κυβερνάει
με τέχνη και ο ηνίοχος ηνίοχο νικάει…..

Ψ Ιλιάδος

Ἀντίλοχος δὲ τέταρτος ἐΰτριχας ὁπλίσαθ’ ἵππους,
Νέστορος ἀγλαὸς υἱὸς ὑπερθύμοιο ἄνακτος
τοῦ Νηληϊάδαο· Πυλοιγενέες δέ οἱ ἵπποι
ὠκύποδες φέρον ἅρμα· πατὴρ δέ οἱ ἄγχι παραστὰς
μυθεῖτ’ εἰς ἀγαθὰ φρονέων νοέοντι καὶ αὐτῷ·
Ἀντίλοχ’ ἤτοι μέν σε νέον περ ἐόντ’ ἐφίλησαν
Ζεύς τε Ποσειδάων τε, καὶ ἱπποσύνας ἐδίδαξαν
παντοίας· τὼ καί σε διδασκέμεν οὔ τι μάλα χρεώ·
οἶσθα γὰρ εὖ περὶ τέρμαθ’ ἑλισσέμεν· ἀλλά τοι ἵπποι
βάρδιστοι θείειν· τώ τ’ οἴω λοίγι’ ἔσεσθαι. 310
τῶν δ’ ἵπποι μὲν ἔασιν ἀφάρτεροι, οὐδὲ μὲν αὐτοὶ
πλείονα ἴσασιν σέθεν αὐτοῦ μητίσασθαι.
ἀλλ’ ἄγε δὴ σὺ φίλος μῆτιν ἐμβάλλεο θυμῷ
παντοίην, ἵνα μή σε παρεκπροφύγῃσιν ἄεθλα.
μήτι τοι δρυτόμος μέγ’ ἀμείνων ἠὲ βίηφι·
μήτι δ’ αὖτε κυβερνήτης ἐνὶ οἴνοπι πόντῳ
νῆα θοὴν ἰθύνει ἐρεχθομένην ἀνέμοισι·
μήτι δ’ ἡνίοχος περιγίγνεται ἡνιόχοιο.
ἀλλ’ ὃς μέν θ’ ἵπποισι καὶ ἅρμασιν οἷσι πεποιθὼς
ἀφραδέως ἐπὶ πολλὸν ἑλίσσεται ἔνθα καὶ ἔνθα, 320
ἵπποι δὲ πλανόωνται ἀνὰ δρόμον, οὐδὲ κατίσχει·
ὃς δέ κε κέρδεα εἰδῇ ἐλαύνων ἥσσονας ἵππους,
αἰεὶ τέρμ’ ὁρόων στρέφει ἐγγύθεν, οὐδέ ἑ λήθει
ὅππως τὸ πρῶτον τανύσῃ βοέοισιν ἱμᾶσιν,
ἀλλ’ ἔχει ἀσφαλέως καὶ τὸν προὔχοντα δοκεύει.
σῆμα δέ τοι ἐρέω μάλ’ ἀριφραδές, οὐδέ σε λήσει.
ἕστηκε ξύλον αὖον ὅσον τ’ ὄργυι’ ὑπὲρ αἴης
ἢ δρυὸς ἢ πεύκης· τὸ μὲν οὐ καταπύθεται ὄμβρῳ,
λᾶε δὲ τοῦ ἑκάτερθεν ἐρηρέδαται δύο λευκὼ
ἐν ξυνοχῇσιν ὁδοῦ, λεῖος δ’ ἱππόδρομος ἀμφὶς 330
ἤ τευ σῆμα βροτοῖο πάλαι κατατεθνηῶτος,
ἢ τό γε νύσσα τέτυκτο ἐπὶ προτέρων ἀνθρώπων,
καὶ νῦν τέρματ’ ἔθηκε ποδάρκης δῖος Ἀχιλλεύς.
τῷ σὺ μάλ’ ἐγχρίμψας ἐλάαν σχεδὸν ἅρμα καὶ ἵππους,
αὐτὸς δὲ κλινθῆναι ἐϋπλέκτῳ ἐνὶ δίφρῳ
ἦκ’ ἐπ’ ἀριστερὰ τοῖιν· ἀτὰρ τὸν δεξιὸν ἵππον
κένσαι ὁμοκλήσας, εἶξαί τέ οἱ ἡνία χερσίν.
ἐν νύσσῃ δέ τοι ἵππος ἀριστερὸς ἐγχριμφθήτω,
ὡς ἄν τοι πλήμνη γε δοάσσεται ἄκρον ἱκέσθαι
κύκλου ποιητοῖο· λίθου δ’ ἀλέασθαι ἐπαυρεῖν, 340
μή πως ἵππους τε τρώσῃς κατά θ’ ἅρματα ἄξῃς·
χάρμα δὲ τοῖς ἄλλοισιν, ἐλεγχείη δὲ σοὶ αὐτῷ
ἔσσεται· ἀλλὰ φίλος φρονέων πεφυλαγμένος εἶναι.
εἰ γάρ κ’ ἐν νύσσῃ γε παρεξελάσῃσθα διώκων,
οὐκ ἔσθ’ ὅς κέ σ’ ἕλῃσι μετάλμενος οὐδὲ παρέλθῃ,
οὐδ’ εἴ κεν μετόπισθεν Ἀρίονα δῖον ἐλαύνοι
Ἀδρήστου ταχὺν ἵππον, ὃς ἐκ θεόφιν γένος ἦεν,
ἢ τοὺς Λαομέδοντος, οἳ ἐνθάδε γ’ ἔτραφεν ἐσθλοί.


Ὣς εἰπὼν Νέστωρ Νηλήϊος ἂψ ἐνὶ χώρῃ

ἕζετ’, ἐπεὶ ᾧ παιδὶ ἑκάστου πείρατ’ ἔειπε. 350


Λιγύφθογγος Νέστωρ

3 σχόλια:

  1. Αν μου επιτρέπετε μία διόρθωση, ο πίνακας απεικονίζει τη στιγμή που ο Αχιλλέας ετοιμάζεται να φονεύσει τον Αγαμέμνονα, κατά τη λογομαχία τους, οπότε και εμφανίζεται η Αθηνά, η οποία αποτρέπει το φόνο. (Ιλιάδα Ραψ. Α):
    The Wrath of Achilles (1819), by Michel Drolling.
    Ο πίνακας με τίτλο "Ο Αχιλλέας παραδίδει βραβείο σοφίας στο Νέστορα" (ραψ. Ψ ) είναι ο ακόλουθος: Achilles gives Nestor the Prize for Wisdom, by Joseph-Désiré
    http://wordsmith.org/words/images/nestor_large.jpg
    Ελπίζω να μη σας δυσαρέστησε η παρέμβασή μου.

    ΑπάντησηΔιαγραφή
  2. Σε ευχαριστούμε πολύ για την συμμετοχή,
    την επίσκεψη σου
    και παρέμβαση σου την σοφή .... Ελένη!

    Είναι μια θαυμάσια ευκαιρία διοσημική
    μαζί με μια επιστροφή,
    να σου παραδώσουμε
    το βραβείο για Βίντεο,
    της εξαιρετικής εργασίας
    "εικόνες και ήχος" που φτιάχνεις
    με θέματα από τα Ομηρικά Έπη.

    ΑπάντησηΔιαγραφή
    Απαντήσεις
    1. Σας ευχαριστώ πολύ, ιδιαίτερα για τις περιηγήσεις μου στο τόσο ενδιαφέρον υλικό σας.

      Διαγραφή

Όλα είναι δρόμος... αρκεί να είναι ένα μονοπάτι με καρδιά